Huawei бешта моделдаги флагманлари, жумладан – Mate X ҳамда Mate 30 5G сотувга чиқиш вақтини расман айтди
Москва шаҳрида куни кеча Huawei компанияси матбуот анжумани ўтказди. Хитойлик техногигант унда навбатдаги флагман смартфонларининг савдога чиқарилиш вақтини расман маълум қилди.
ЎҚИНГ: Huawei Ark компилятори анонси: компания дастурчиларни HongMeng ҳамжамиятига чорламоқда
Аввало, бешинчи авлод уяли алоқа тармоғини қўллаб-қувватловчи Huawei Mate 20 X 5G модели шу июль ойидаёқ бозорга чиқади. Қолаверса, компаниянинг қайишқоқ дисплейли Huawei Mate X буклама смартфони сентябрь ойида дўконлар пештахталарига қўйилади.
Шунингдек, сентябрда ҳали тақдим этиладиган Huawei Mate 30 ҳамда Mate 30 Pro ҳам октябрдаёқ сотиб олиш мумкин бўлади. Бешинчи авлод уяли алоқа тармоқларини қўллаб-қувватлайдиган Huawei Mate 30 5G флагмани эса декабрда сотувга чиқади.
Huawei ўзининг HongMeng (хорижга чиқариладиган моделларда – Oak OS ёки Ark OS) операцион тизимини ҳам шу йил сентябрнинг охири ёки октябрнинг бошларида намойиш этиши кутилмоқда. Ҳозирча эса Android операцион тизимли аксарият Huawei смартфонларини 1 059 000 сўмдан бошланувчи нархларда Terashop.uz интернет-дўконимиздан сотиб олиш имкони мавжуд.
ЎҚИНГ: Huawei’ни Android’дан маҳрум этса, Google ўзи нималарни йўқотади?
