iPhone оригиналлигини тишлаб кўриб текширишди, натижаси даҳшат! (видео)

Одатда турли гаджетларнинг оригиналлигини ёки мустаҳкамлигини, зарбага ё сувга чидамлилигини ҳар хил усуллар билан синаб кўришади. Бу борада етакчи смартфонсозларнинг маҳсулотлари устида ўтказилган дроп-тестларга оид бир нечта хабарларни эълон қилганмиз.

ЎҚИНГ: Эксклюзив видео: iPhone X ва iPhone 8’ни бетонга ташлаб синаб кўришди!

Куни кеча Хитойдаги электроника маҳсулотлари дўконларидан бирида Apple смартфони билан боғлиқ қизиқ воқеа юз берди. Мижозлардан бири ўзининг iPhone’и аккумуляторини алмаштиришга келган экан. Иш битгач, у янги батареянинг ҳақиқийлигини текшириб кўришга қарор қилди. Бироқ бунда у умуман кутилмаган усулни қўллади – смартфонини тишлаб кўрди!

Унинг нега бундай қилгани номаълум, аммо оригиналликни синашнинг синалмаган усули кутилмаган натижа берди. Мана, ўзингиз томоша қилинг-да:

Афтидан, бу йигит iPhone’ни қаттиқроқ тишлади, шекилли – оқибатда ўзи аккумуляторни шикастлаб қўйди. Гувоҳи бўлганингиздек, смартфонни оғзидан чиқариши биланоқ у портлаб кетди.

Хабарда айтилишича, воқеа қурбонларсиз ниҳояланган. Аммо биз барибир смартфонни бунақа усулларда текшириб кўришни тавсия этмаймиз.

ЎҚИНГ: iPhone: асл ва қалбаки маҳсулотни фарқлашга оид маслаҳатлар