Иссиқ ҳам ёқмайди, совуқ ҳам: фойдаланувчилар iPhone XS уларни жуда чиройли қилиб расмга олаётганидан нолимоқда

Экспертларнинг фикрича,   Apple iPhone XS’нинг олд камераси ўтган йилги iPhone X билан таққослаганда жуда катта қадам бўлган. Аммо айрим фойдаланувчиларнинг шикоят қилишича, смартфон шубҳали бьюти-функцияга эга, тағин яна уни ўчириб ҳам бўлмайди.

Автоматик режимда терини текислаш учун расмга қўпол ва нореал фильтр қўйилган. Айниқса, фойдаланувчиларнинг жаҳлини чиқаргани, ушбу фильтр ҳақида ҳеч бир жойда эслатилмаган ва уни ўчиришнинг ҳам иложи йўқ. Бундан ташқари, улар фильтр алгоритми барча вазиятларда ҳам  яхши ишлашидан шубҳа қилишмоқда.

ЎҚИНГ:iPhone XS Max таннархини ҳисоблашди – Apple инсофиниям «қўшиб еб юборган» экан!

Айрим смартфон эгалари эса, фильтр оддий терини тўқ сариқ қилиб қўйишидан шикоят қилган. Натижада, фотопортрет худди хаваскор фотошопчи ишлагандек кўриниб қолган. «Мен худди Sims персонажидаги қаҳрамонларнинг бирига ўхшаб қолганман», — деб ёзади форумда иштирокчиларнинг бири.

Яна бир норози фойдаланувчи бу ҳақда бутун бошли видеоролик намойиш қилди. Apple  техникаларидан “жабр” кўрганлардан яна бирининг айтишича, компания вакиллари ушбу муаммони бартараф этиш бўйича ишлар олиб борилаётгани ҳақда унга маълум қилган эмиш.

ЎҚИНГ:Huawei баёнот беради: унинг Kirin 980 чипи Apple A12 Bionic чипидан кучли