«Жонли» расмлар: Ҳали тақдим этилмаган Meizu 16S бенчмаркда Galaxy S10’дан устун келди!
Meizu бренди Ўзбекистон бозорига расман кириб келган бўлса-да, унчалик машҳур эмас, аммо бу компанияси маҳсулотлари Xiaomi’никидан қолишмайди. Жумладан, унинг Meizu 16 (сотиб олиш) модели ҳатто AnTuTu рейтингида иккинчи ўринни олганини алоҳида таъкидласак арзийди.
ЎҚИНГ: Meizu ёки Xiaomi: кимнинг смартфони яхшироқ?
Мазкур компания ҳозирда ўзининг Meizu 16S флагманини тақдимотга тайёрламоқда. Аслида ушбу моделни мухлислар анчадан бери кутишмоқда, Terabayt.uz сайтида ҳам у ҳақда кўплаб маълумотлар эълон қилинган.
Кеча эса интернетда Meizu 16S флагманининг Geekbench сервисидаги натижаси акс этган «жонли» расм тарқалди. Унинг самарадорлигини ҳозирги замоннинг энг кучли смартфонларидан бири саналмиш Galaxy S10 билан таққослаб кўрсатишган:
Гувоҳи бўлаётганингиздек, якка ядроли тестда жанубий кореяликларнинг флагмани 3523 балл олган бўлса, унинг хитойлик рақиби 3778 очко билан устун келган! Кўп ядроли синовда эса Galaxy S10 устун – 10663 балл; Meizu 16S эса 10493 баллик натижа кўрсатган. Умуман олганда, синтетик тестда бу икки флагманнинг кучлари ўзаро тенг келган.
ЎҚИНГ: Meizu 16s ҳам энг кучли Snapdragon 855 чипига ва Sony IMX850 датчикли 48 МПлик камерага эга!
Самарадорлигидан ташқари, ушбу суратда Meizu 16S ташқи кўринишини ҳам қисман баҳолаш мумкин. Унинг юқори ва пастки қисмлари атайлаб яширилган, аммо экранининг ён ромлари ўта юпқа.
Шунингдек, мазкур гаджетнинг орқа панели акс эттирилган яна бир «жонли» сурат ҳам интернетга чиққан:
Айтиш керакки, Meizu 16S мана шу ойдаёқ тақдим этилиб, тахминан 450 доллар нархида сотувга қўйилади. Компаниянинг турли русумлардаги бошқа смартфонларини эса атиги 750 000 сўмдан бошланувчи нархларда Terashop.uz интернет-дўконимиздан харид қилиш мумкин.
