Кучайтирилган камерали Galaxy Note 9 тақдимот санаси ва жойи маълум бўлди
Жанубий кореялик техногигант ўзининг Galaxy Note 9 планшетофонини ушбу йилнинг июль ойи ўрталарида тақдим этишни режалаштираётган эди. Аммо компания уни янада ҳашамдор дизайнда ишлаб чиқаришга қарор қилганлиги сабабли бу намойиш яна кечиктиргани ҳақида ёзганмиз.
ЎҚИНГ: Samsung раҳбари Galaxy Note 9'ни танқид қилди
Bloomberg нашри тарқатаётган янги маълумотга кўра, Samsung Galaxy Note 9 фаблетини жорий йилнинг 9 августида тақдим этади. Манбанинг таъкидлашича, мазкур қурилма намойишига бағишланган Galaxy Unpacked матбуот анжумани шу куни Нью-Йорк шаҳрида бўлиб ўтади.
Агар бу хабар тасдиқланса, у ҳолда Galaxy Note 9 ўзининг «аждод»и – Galaxy Note 8 моделининг ўтган йилги тақдимот санасидан икки ҳафта олдин оммага кўрсатилади. Янги фаблетнинг савдосини эса Samsung компанияси август ойининг сўнгида бошлашни режалаштираётир. Шу тариқа, асосий рақобатчи – янги iPhone’лар чиққунича ўз смартфони савдосини кучайтириб олиш учун жанубий кореяликларда икки ҳафта вақт бўлади.
Манбаларнинг маълумот беришича, янги фаблетнинг қўшалоқ камераси ҳозирги флагман – Galaxy S9+ моделидагига нисбатан янада яхшиланган бўлади. Тўғри, уларнинг датчиклари бир хил, аммо дастурий таъминотининг яхши ишланиши туфайли Galaxy Note 9’нинг қўшалоқ «кўз»лари яхшироқ ишлайди, дейишмоқда инсайдерлар.
Жанубий кореялик ушбу компаниянинг ҳозиргача бозорга чиқарилган кўплаб моделлардаги смартфонлари, жумладан, февралда тақдим этилган флагманларини ҳам Ўзбекистонда расмий кафолат билан олиш имкони бор.
ЎҚИНГ: Бир йиллик кафолатли Galaxy S9+ ва бошқа Samsung смартфонлари нархлари (2018 йил 2 июнь)
