Lenovo афсонавий ThinkPad клавиатурасини энди десктоп версияда чиқарди (+видео)
Ноутбукларни яхши тушунадиганлар Lenovo ThinkPad туркумидаги лаптопларни қадрлашади. Унинг дизайнидаги ўзига хосликларидан бири – клавиатуранинг ўртасига жойланган TrackPoint жойстиги бўлиб, у ноутбукни сичқончасиз бошқаришни осонлаштиради.
ЎҚИНГ: Премиум маҳсулотлар ишқибозлари учун Lenovo тақдим этади: ThinkPad T480 (тўлиқ тавсиф)
Lenovo энди десктоп компьютерлар эгаларига ҳам шундай клавиатурадан фойдаланиш имконини тақдим этди. Яъни, у портатив ва стационар компьютерлар билан келишиб ишловчи ThinkPad TrackPoint II симсиз клавиатурасини сотувга чиқарди.
Клавиатура компьютерга Bluetooth ёки USB-ресивер орқали боғланади. Microsoft Swift Pair технологиясини қўллаб-қувватлаши эвазига, у бир вақтнинг ўзида иккита қурилма билан ҳам боғлана олади. «Қайчили» механизмга эга бўлган 84 та клавишли мазкур аксессуар нафақат Windows 7 ва Windows 10 тизимли компьютерлар, балки Android-қурилмаларга ҳам тушади.
ЎҚИНГ: Black Shark 3 ҳамда Red Magic 5G геймерофонларини яксон этувчи Lenovo Legion илк расмий суратда!
Lenovo’нинг таъкидлашича, USB-C порти орқали зарядланувчи аккумуляторининг тўлиқ қуввати нақ икки ой ишлашга етади! Клавиатуранинг 15 дақиқа давомида олган қуввати эса бир ҳафта ишлаш имконини беради.
Кўриш имконияти пастроқ бўлганлар учун ThinkPad TrackPoint II клавиатураси тугмачаларида махсус бўртма белгилар ҳам кўзда тутилган.
ЎҚИНГ: Apple асосчиси Москвада: «Барча кўзи очиқларни кўрга айлантирибмиз»
Қуйида мазкур клавиатуранинг расмий видеоролигини томоша қиламиз:
ThinkPad TrackPoint II ўлчамлари 306х164х14 миллиметрни, вазни эса 490 граммни ташкил этади. АҚШда уни аллақачон 99,99 доллардан сотувга чиқаришди. Бошқа ҳудудлар бозорларига бу клавиатуранинг чиқиши ва нархлари ҳақида Lenovo кейинроқ маълумот бермоқчи.
ЎҚИНГ: Lenovo дунёдаги илк қайишқоқ экранли ноутбук – ThinkPad X1’ни намойиш этди!
