Машҳур пулли ўйинни икки хил консолда ўйнаш вақтинча бепул бўляпти! (+видео)

Жанговар видеоўйинлар орасида Mortal Kombat файтинги ўзига яраша ўринга эга. Унинг бир талқини ўтган йил сўнгида энг оммалашган PlayStation ўйинлари рейтингида ҳам эътироф этилган.

ЎҚИНГ: Nintendo’нинг янги ўйини App Store ва Google Play’да жаҳон рекордини янгилади!

NetherRealm студияси мазкур туркумнинг аудиториясини кенгайтириш мақсадида Mortal Kombat 11 файтингига бепул эшик очиб бермоқда. Келаси ҳафта сўнгида, аниқроғи – 11 октябрдан то 14 октябргача уни текинга ўйнаш мумкин бўлади.

Бироқ мазкур имконият барчага бирдек тақдим этилмаяпти. Mortal Kombat 11 фақат PlayStation 4 (сотиб олиш) ҳамда Xbox One консоллари учунгина бепул узатилади. Геймерлар бунда жангчиларнинг бутун жамланмасига эга бўлишлари, яна кўп иштирокчили режимда ҳам ўйнашлари мумкин бўлади. Сюжет кампанияси эса фақат биринчи иккита бўлим билан чекланган.

Қуйида Mortal Kombat 11 расмий трейлерини бирга кўрамиз:

Айтиб ўтиш керакки, Mortal Kombat 11 шу йилнинг 23 апрелида чиққан ва PS4, Xbox One, Nintendo Switch ҳамда компьютер платформалари учун тақдим этилган.

ЎҚИНГ: Машҳур пулли ўйининг iPhone ва Android-смартфонларга БЕПУЛ чиқиш санаси аниқ бўлди (+видео)