Минг долларлик Galaxy Note 9 қимматми? 57 минг долларлиги ҳам бор, бир кило соф олтиндан!

Samsung компанияси 9 августда ўзининг Galaxy Note 9 фаблетини намойиш этганди. Унинг бошланғич – 128 гигабайт хотирали модели учун 999,99 АҚШ доллари миқдорида нарх белгиланган.

ЎҚИНГ: Galaxy Note 9 тақдим қилинди: Samsung'нинг энг кучли ва қиммат смартфони

Ўтган йилги моделидан унчалик ҳам катта фарқи бўлмаган Galaxy Note 9 учун 1000 долларлик нарх қимматлик қилса керак. Аммо унинг махсус премиал талқинларини бундан ҳам юқори нархларга харид қилишга тайёр кишилар бор. Айнан шундай тоифадаги истеъмолчилар учун машҳур Caviar бренди бу смартфоннинг люкс версиясини тақдим этди.

ЎҚИНГ: Путин жамоаси учун махсус шоҳона iPhone X ва Nokia 3310 яратишди

Шу пайтгача ўта қимматбаҳо, эксклюзив iPhone’ларни тақдим этиб келаётган Caviar ўз рекордларини ҳам янгилади: Galaxy Note 9 Fine Gold талқини учун кўп ҳам, кам ҳам эмас – 57 минг АҚШ доллари сўраяпти.

Бекорга эмас-да: мазкур смартфоннинг ҳар бири учун нақ бир килограмм соф олтин сарфланган! Бу ерда энди ҳатто «люкс» сўзи ҳам камлик қилса керак...

ЎҚИНГ: Nokia 3310 тилладан тайёрланди

Дарвоқе, олтин қуймаси кўринишидаги смартфондан ташқари, Caviar усталари Galaxy Note 9’нинг аллигатор териси қопланган, яхлит қора ониксли ҳамда Россия герби туширилган тиллали моделларини ҳам таклиф этишмоқда.

Хулласи калом, агарда шунча пулга Galaxy Note 9 Fine Gold харид қилишни истовчилар бўлса, мана бу ҳавола орқали унга ҳозирданоқ олдиндан буюртма беришлари мумкин.

ЎҚИНГ: Тўйга тўёна билан: янада қимматбаҳо iPhone X сотувга чиқади