MIUI 11 прошивкасида Redmi 10X 4G ва яна учта янги Redmi смартфони «топилди»!

  •   DiMaX
  •  1531
  •  02.03.2020 17:11

MIUI 11 прошивкасида Redmi 10X 4G ва яна учта янги Redmi смартфони «топилди»!

XDA Developers дастурчилар ҳамжамиятининг kacskrz никли аъзоси MIUI 11 график қобиғининг янги талқини кодларини «кавлаштириб» кўрди. У ердаги ёзувлардан маълум бўлишича, Xiaomi компанияси яқин орада Redmi бренди остида тўртта смартфон тақдим этади.

ЎҚИНГ: Xiaomi амаллади: оммабоп смартфонларга Android 10 прошивкаси кела бошлади!

MIUI 11 янги версиясининг кодларида пайдо бўлган смартфон номлари қуйидагича:

  1. Redmi K30 Pro
  2. Redmi K30 Pro Zoom Edition
  3. Redmi Note 9
  4. Redmi 10X 4G

Булардан биринчиси – Redmi K30 Pro флагмани ҳамда ўрта нархли Redmi Note 9 тақдимоти яқинлиги хусусида аввалдан гап-сўзлар юради, шу сабабли яқинда компания амалдаги 5G-флагманини арзонлаштирган. Иккинчиси – «Zoom Edition» қўшимчалиси эса флагманнинг янада илғор камерали версияси бўлса керак.

Redmi 10X 4G эса умуман кутилмаган янгилик бўлди – ушбу модел хусусида бирор маълумот йўқ. Айрим қарашларга кўра, унинг номидаги «10X» ёзуви камеранинг зум имкониятини акс эттириши ҳам мумкин.

ЎҚИНГ: Xiaomi смартфонлари эгалари, коронавируснинг навбатдаги зарбасига тайёр туринг!

Terabayt.uz сайтининг видеолари: Youtube'даги каналимизда!