Nokia 5.1 Plus қандай кўринишда бўлади?
Ўтган ойнинг охирларида HMD Global компанияси янгиланган смартфонлар линейкаси – Nokia 2.1, Nokia 3.1 ва Nokia 5.1’ларни чиқарган эди. Энди эса, тармоқларда ва видеорендерларда Nokia 5.1 Plus версияси пайдо бўлди.
OnLeaks билан Tiger Mobiles ҳамкорликда , инсайдер маълумотларига асосланиб, Nokia 5.1 Plus қандай кўриниш олишини намойиш этди. Кўриниб турибдики, корпус шишали бўлади, дисплейнинг юқори қисмида анъанавий кемтик, экран атрофида каттагина ром, асосий қўшкамера ва тагида бармоқ излари сканери бор.
ЎҚИНГ: JerryRigEverything энг мустаҳкам смартфонни эълон қилди
Умуман олганда, смартфон ёмон ишланмаган ва яқинда тақдим қилинган Nokia 5.1 каби арзон телефонга ўхшамайди. Лекин, ўтган ойда намойиш этилган Nokia X6 моделига жуда ўхшаб кетади.
Хабарда айтилишича, Nokia 5.1 Plus ҳам 5,7-дюймли Full HD+ дисплейига эга бўлади. Томонлари — 149,5×71,9×8 мм. Бошқа тафсилотлар берилмаган, Амма экспертлар янги қурилма Nokia 5.1’га қараганда кучлироқ процессор ва кўп хотирали бўлади, дейишмоқда.