Nokia 5.1 Plus qanday ko‘rinishda bo‘ladi?
O‘tgan oyning oxirlarida HMD Global kompaniyasi yangilangan smartfonlar lineykasi – Nokia 2.1, Nokia 3.1 va Nokia 5.1’larni chiqargan edi. Endi esa, tarmoqlarda va videorenderlarda Nokia 5.1 Plus versiyasi paydo bo‘ldi.
OnLeaks bilan Tiger Mobiles hamkorlikda , insayder ma’lumotlariga asoslanib, Nokia 5.1 Plus qanday ko‘rinish olishini namoyish etdi. Ko‘rinib turibdiki, korpus shishali bo‘ladi, displeyning yuqori qismida an’anaviy kemtik, ekran atrofida kattagina rom, asosiy qo‘shkamera va tagida barmoq izlari skaneri bor.
O‘QING: JerryRigEverything eng mustahkam smartfonni e’lon qildi
Umuman olganda, smartfon yomon ishlanmagan va yaqinda taqdim qilingan Nokia 5.1 kabi arzon telefonga o‘xshamaydi. Lekin, o‘tgan oyda namoyish etilgan Nokia X6 modeliga juda o‘xshab ketadi.
Xabarda aytilishicha, Nokia 5.1 Plus ham 5,7-dyuymli Full HD+ displeyiga ega bo‘ladi. Tomonlari — 149,5×71,9×8 mm. Boshqa tafsilotlar berilmagan, Amma ekspertlar yangi qurilma Nokia 5.1’ga qaraganda kuchliroq protsessor va ko‘p xotirali bo‘ladi, deyishmoqda.