Nubia Red Magic 5G сотувга чиқди: 144 Гц экран ва 16 ГБ «оперативка»ли илк смартфон!

DiMaX
2707
13.03.2020 16:10

ZTE корпорациясига қарашли Nubia компанияси ўйинбоп смартфонларининг навбатдаги авлоди – Red Magic 5G моделини тақдим қилди. Бу ўша – Xiaomi корпорацияси «Сайёрамиздаги энг қудратли смартфон» дея мақтаган Black Shark 3 геймерофонини AnTuTu’да тор-мор этган қурилмадир.

ЎҚИНГ: Black Shark 3 билан бирга Black Shark 3 Pro ҳам намойиш этилди: бунақа технологиялар бошқа бирортасида йўқ!

Геймерлар учун хазина!

Nubia Red Magic 5G ўйинларга мослаштирилганлиги боис, биринчи навбатда унинг шу жиҳатларига эътибор қаратсак. Геймерларга унинг 6,65 дюймлик AMOLED-дисплейи маъқул келиши аниқ. Экраннинг тасвир аниқлиги FHD+ форматида (2340х1080 пикселлик). Бу – кадр янгиланиш частотаси 144 герцлик илк смартфондир.

Қурилманинг корпуси орқаси ўйинлар услубида ишланган бўлиб, RGB-чироқлар билан таъминланган.

Nubia Red Magic 5G қизиб кетмаслиги учун унда мураккаб Turbo Fan 3.0 совитиш тизими қўлланган. Мазкур тизим радиатор камерали ҳақиқий вентиляторни ўз ичига олади – у дақиқасига 15 минг марталик тезликда айланади.

Унга «L» шаклидаги суюқликли совитиш найчаси, мис фольга, графит ва иссиқликни ҳайдовчи гель ҳам елкадош бўлади. Натижада смартфон ўйинлар жараёнида ҳам, қувватлашда ҳам асло қизиб кетмайди.

Геймерофоннинг яна бир ўзига хослиги – корпусининг қирраларидаги триггерлардир: улар 300 герцлик частотада ишлайди.

Техник жиҳатлари бўйича рекордчи!

Nubia Red Magic 5G бешинчи авлод уяли алоқа стандартини қўллаб-қувватловчи X55 модемни ўз ичига олган энг илғор – Snapdragon 865 процессорига таянади. Унинг тезкор хотираси янгича – LPDDR5 тоифали бўлиб, 8/12/16 гигабайтлик вариантларда таклиф этилади. Доимий хотира сифатида эса 128 дан 256 гигабайтгача ҳажмли UFS 3.0 сақлагичлари қўлланган.

Смартфоннинг аккумулятори 4500 мАсоатлик ток сиғимига ва 55 ваттлик тезкор қувватлаш технологиясига эга.

Унинг бош камераси учталик: асосий модул сифатида 64 мегапикселлик Sony IMX686 датчиги қўлланган. Унга 8 мегапикселлик кенг бурчакли ҳамда 2 мегапикселлик макросъёмка сенсорлари ҳамроҳлик қилади.

Олд камера экраннинг тепасидаги нозик ромга жойланган ва 8 мегапикселлик яка сенсордан иборат.

Nubia Red Magic 5G яна экранга жойланган дактилоскоп, Wi-Fi 6, учта микрофон, 3,5 миллиметрлик қулоқчин тирқиши ҳамда Android 10 операцион тизим талқини билан ҳам мақтана олади.

Нархига келсак...

Компания янги авлод «Қизил жоду»ни уч хил ранглардаги корпусларда таклиф этади: Black (қора), Mars Red (қизил) ҳамда Cyber Neon (қизил-мовий). Булардан ташқари, орқа панели шаффоф бўлган Transparent Edition версияси ҳам бор – униси саноқли миқдорда чиқади.

Nubia Red Magic 5G учун олдиндан буюртма бериш Хитойда аллақачон бошланган, халқаро бозорга эса уни апрелда чиқаришади. Нархлари эса маҳаллий бозорда қуйидагича: