OraSaifu қурилмаси ҳамёнга ва тўлов усуларига янгича қарашни ўзида ифода этади. Қурилма, худди унчалик катта бўлмаган рангли дисплейга эга смартфонга ўхшайди. Унга барча дебет ва кредит карталарни жойлаштириш мумкин. Харид қилишдан олдин мосини танлаб оласиз ва NFC симсиз тўлов ёрдамида пул утказишни амалга оширасиз.

OraSaifu ҳамёни бир бири билан ҳам уланиб ишлай олади. Бирорта кишига пул ўтказмоқчи бўлсангиз, картани танлайсиз, пулни миқдорини кўрсатасиз ва битта ҳамённи иккинчисига яқинлаштирасиз.

ЎҚИНГ:Garmin учувчилар учун смарт-соатлар сериясини ишлаб чиқарди

Гаджет диагонали 4 дюмли HD-дисплейга эга ва у атиги 65 грамм оғирликка эга. Ички аккумулятори бир ҳафта ишлашга етади, бир соатда тўлиқ қувват олади.

Бундан ташқари «ақлли» ҳамённи криптовалютани сақлаш  учун ҳам ишлатса бўлади. Криптовалюта билан янада осон ишлаш учун қурилма корпусида камера мавжуд. У  криптоҳамённи тўлдириш учун QR-кодни  сканерлаш имконини беради.

Олдиндан буюртма берилса, бундай ҳамён 119 доллар туради. Сотувга чиқариш шу йилнинг октябрь ойига мўлжалланган.

ЎҚИНГ:Ақлли памперс, қоғоз камера ва улкан-Октокоптер