PlayStation орқали наркотиклар савдосини ташкил этган геймер қўлга олинди

АҚШ Федерал қидирув бюроси маълум қилишича, PlayStation 4 консоли эгаларидан бири унинг онлайн-сервисларидан гиёҳвандлик моддаларини сотиш учун фойдаланган. Бюро мазкур геймер ҳақида батафсил маълумот олиш учун аллақачон Sony компаниясига сўров юборган.

ЎҚИНГ: Apple Store’га салкам бир килограмм наркотик модда етказиб беришди!

PlayStation тармоғида Speedola20 ники билан фаолият олиб борадиган гумонланувчининг исми – Кертис Александр. Унинг наркотик сотиши ҳақида ФҚБга хабар берган информаторга кўра, Кертис нақ 34 минг долларлик гиёҳвандлик моддалари савдосини ташкил этган.

Гиёҳфуруш PlayStation ўйин консолининг овозли чати орқали потенциал мижозлар билан гаплашар ва шахсан учрашиб олди-сотди қилар экан. Ноқонуний фаолиятини у «ўйинни муҳокама қилиш» ниқоби остида олиб борган.

Федерал қидирув бюроси шу сабабли Speedola20 ўйнаган ўйинлар рўйхатини сўраб Sony’га мурожат этган. Япон компанияси унга қандай жавоб бергани, ўз мижозининг шахсий маълумотларини тақдим этган-этмагани ҳозирча номаълум.

ЎҚИНГ: Машҳур наркобароннинг акаси энг арзон букламафон тақдим этди ва Apple’ни яксон қилишга сўз берди!