Самолётлар ўргимчак толасидан тайёрланади
Airbus компанияси самолёт корпусини синтетик ўргимчак толасидан тайёрламоқчи. Янги материалга биосталь, деб ном берилди.
Ноёб корпусли самолётнинг биринчи тажриба нусхасини Airbus компанияси 2019 йилда намойиш этишини маълум қилди. Янги материал AMSilk компанияси томонидан тайёрланмоқда. Биосталь ўзида толаларни ўзига хос бураш асосида тайёрланган биополимердан иборат. Бу унга ўта юқори мустаҳкамлик беради. Биостални ишлаб чиқаришнинг яна бир муҳим томони, унинг экологик тозалигидир. Полимер толаси озиқланиш муҳитида кўпаяётган бактерияларни синтез қилади. Бунинг учун AMSilk компаниясида 60 000 литрли сиғимга эга улкан биореактор конструкция ясалди.
ЎҚИНГ:АҚШда парвоз вақтида самолётларда телефонда гаплашишга рухсат берилиши мумкин
Бундай енгил ва экологик зарарсиз материалнинг жорий қилиниши самолётнинг атроф-муҳитга келтирадиган зарарини сезиларли равишда камайтиради. Чунки, самолёт қанча енгил бўлса, шунча кам ёғилғи сарфлайди ва шунга яраша оз чиқит чиқаради. Ҳозир ишлатилиб келинаётган углеводородли тола эса, биосталдан бир неча маротаба қиммат туради.
Биостални қўллаш вариантларининг қарийб чеки йўқ. Ҳозирча, синтетик ўргимчак толасидан қилинган самолёт лойиҳасини ҳаётга жорий қилишга анча муддат бор бўлса-да, аммо ундан самоётнинг нозик жойларига ҳимоя панелларини ясашда фойдаланса бўлади. Қолаверса, биосталнинг антибактериал хусусияти туфайли, у ҳаво кемасининг ичини жиҳозлашда ҳам жуда керакли материал бўла олади.
ЎҚИНГ:Airbus самолётлари дронларни ишдан чиқарувчи тизимга эга бўлади
