Samsung тайёрлаётган Galaxy M20 смартфони бенчмаркларда фош этилди!
Жанубий кореялик техногигант янги – Galaxy M туркумида смартфонлар ишлаб чиқаётганлиги ҳақида хабар бергандик. Улардан бири аллақачон тайёр бўлиб қолган – у Geekbench ва Antutu маълумотлар базасида «қўлга тушди».
ЎҚИНГ: Samsung Galaxy M20 ва Galaxy M30 – ҳамёнбоп смартфонларми ёки ўрта нархли?
Янги серияга мансуб Samsung Galaxy M20 смартфони куни кеча SM-M205F номи остида Geekbench сервисида текшириб кўрилган. Мана, унинг тестда олган балли ҳамда асосий техник хусусиятлари билан танишинг:
Маълумотларга кўра, бу смартфон Exynos 7885 процессорига эга, унинг таркибига Mali-G71 MP2 график тезлатгичи ҳам киради. Бу – айни Galaxy A7 (2018) моделида қўлланган чипсетдир.
Бундан ташқари, Galaxy M20 қурилмасини Antutu бенчмаркида ҳам текшириб кўришди ва бу синов юқоридаги маълумотларни тасдиқлади. Мана, унда акс этган жиҳатлар қуйидагича:
Айтиш керакки, Galaxy M туркуми ушбу ишлаб чиқарувчининг Galaxy J, Galaxy On ва Galaxy C серияларидаги смартфонлари ўрнига, 2019 йил бошида чиқарилади. Унинг айни дамгача бозорга чиқарилган аксарият моделлардаги смартфонларини эса Terashop.uz интернет-дўконимиздан 899 000 сўмдан бошланувчи нархларда сотиб олиш мумкин.