Sony орзиқиб кутилган PlayStation 5’ни ва кутилмаганда яна бир ўйин консолини тақдим қилди! (+видео)
Sony компанияси дастлаб PlayStation 5 ўйин приставкасининг тақдимот кунини расман эълон қилган эди. Кейинроқ эса мазкур онлайн тадбир ҳам қолдирилганди, лекин 12 июнга ўтар тунда у намойиш этилди!
ЎҚИНГ: PlayStation 5’га чиқадиган барча 38 та ўйин расмий рўйхатда!
PlayStation 5 ўйин приставкаси шу пайтгача дизайнерлар бир неча вариантларда кўрсатган рендерларнинг бирортасига ҳам ўхшамайдиган бўлиб чиқди! Консолнинг дастурчиларга мўлжалланган жамланмасига-ку яқин ҳам келмайди.
Яхшиси, уни қуйидаги расмий видеода батафсил томоша қиламиз:
Энг қизиғи, Sony янги авлод PlayStation 5 ўйин приставкасидан ташқари, кутилмаганда PlayStation 5 Digital Edition версиясини ҳам тақдим этди. Бу – консолнинг диск талаб этилмайдиган, ўйинларни фақат рақамли форматда қабул қиладиган вариантидир.
Афсуски, компания ҳозирча мазкур гаджетларининг нархларини айтмаган. Агарда стандарт PlayStation 5 нархи Microsoft корпорацияси ўтган йилнинг охирида тақдим этган янги авлод Xbox Series X консолиники билан тенг, PS5 Digital Edition эса ундан 50–100 долларга арзонроқ бўлиши тахмин қилинмоқда.
