Суперқаҳрамонлар файтинг-ўйинини 25 июнгача PS4, Xbox ҳамда компьютерга бутунлай ва бепул олиб қўйинг (+видео)
Ubisoft кеча – 19 июндан бошлаб уч кун мобайнида Assassin’s Creed Origins ўйинини бепул тақдим этяпти. 25 июнгача эса Epic Games дўкони Pathway номли ўйинни бепул ва бутунлай улашяпти.
ЎҚИНГ: PlayStation 5’га тайёрланаётган олтмишдан ошиқ ўйин ва чиқиш вақтлари учта рўйхатда!
Булардан ташқари, геймерлар учун 25 июнгача Injustice: Gods Among Us номли файтинг ўйинни бепул олиб қўйиш имкони ҳам тақдим этилмоқда. Шу муддатда уни олиб қўйгач, уёғига бепул ўйнайвериш мумкин. Жамланмага қўшимча хариталар, DLC-персонажлар ва костюмлар ҳам киритилган.
Injustice: Gods Among Us ўйинини PlayStation 4 приставкаларига ушбу, компьютерларга мана бу ҳаволалар орқали юклаб олиш мумкин. Xbox One соҳиблари эса бу ўйиннинг Xbox 360 консолига мўлжалланган версиясини мазкур ҳавола орқали юклаб олишади. Сўнг эса уни Microsoft’нинг янги авлод приставкасида, «харид қилинган ўйинлар» бўлимидан ишга туширишади.
Фақат бу ўйин барча платформалар учун 25 июнгача бепул эканлигини, кейин яна пулли бўлиб қолишини эсдан чиқарманг. Шунгача олиб улгурганлар эса Injustice: Gods Among Us ўйинини кейин бир умр бепул ўйнайверишади.
ЎҚИНГ: Epic Games Store текинга тарқатган ўйинларнинг асл нархини биласизми?
