Таҳлилчилар: Apple iPhone X ва iPhone SE’дан воз кечиши мумкин
Яқинда BlueFin таҳлил компанияси инвесторлар учун ҳисобот тайёрлади. Унда Apple компаниясининг яқин келажакдаги ҳаракатлари ҳақида башоратлар ҳам бор. Таҳлилчилар энг муҳим ўзгаришларнинг ичида компаниянинг юбилей флагмани iPhone X ва энг арзон линейка ҳисобланган iPhone SE’дан воз кечиши эҳтимолига алоҳида урғу бермоқда.
Экспертларнинг фикрича, Apple’нинг шундай йўл тутишига сабаб, келаётган сентябрда намойиш этилиши кутилаётган ушбу янги моделларга талабнинг унчалик кўп эмаслиги бўлиши мумкин. Гап шундаки, фойдаланувчилар ўзларининг эски iPhone’ни алмаштиришни истамаяптилар. Масалан, Россияда бўлиб ўтаётган футбол бўйича Жаҳон чемпионатида хорижлик футбол ишқибозлари орасида энг оммабоп смартфон бундан икки йил аввал чиқарилган iPhone 7 қурилмаси бўлди.
ЎҚИНГ:iPhone эгалари шикоят қилмоқда: аккумулятор ўтириб қоляпти
Ҳисоботда айтилишича, Apple 2018 йилнинг иккинчи ярмида 91 миллионта янги смартфон ишлаб чиқаради. iPhone 9 арзон модель ҳисобланади (ҳали номи ўзгариши мумкин). У 6,1 дюмли ЖК-дисплейи билан таъминланади. iPhone 11 Plus эса флагман ҳисобланади ва у 6,5 дюмли OLED-экран билан таъминланади.
Ҳозир, таҳлилчилар iPhone X ва энг арзон линейка ҳисобланган iPhone SE’дан воз кечилаётгани сабабларини айта олмаяпти. Воқеаларнинг ривожига қараб шундай тўхтамга келиш мумкинки, компания аста секин ишлаб чиқаришни ҳам сотувни ҳам тўхтатади. Бироқ Apple энг кичик ва арзон қурилмаси ўрнига чиқараётган янги смартфонини ҳали ҳам намойиш этгани йўқ. Янги iPhone 9 эса унинг ўрнини босмаслиги аниқ. Чунки iPhone SE компаниянинг энг харидоргир смартфонларидан бири ҳисобланарди.
