Telegram-каналингиз борми? Янги йил совғасини олинг!
Ўзбекистонда энг оммалашган мессенжерлардан бири – Telegram платформасида каналлар кўп. Telegram Analytics жамоаси эса уларнинг маъмур (администратор)лари учун ўзига хос Янги йил совғаси тайёрлади.
ЎҚИНГ: Telegram’даги террорчилар Алишер Усмонов компаниясига қарашли мессенжерга кўчиб ўтишган!
Тасдиқдан ўтган каналлар маъмурларига Telegram Analytics жамоаси шу каналнинг 2019 йилдаги ютуқлари акс этган откритка жўнатмоқда. Унда каналнинг асосий кўрсаткичлари – қамров кўлами, кўришлар сони, публикациялар миқдори ва ҳоказолар акс эттирилган.
TGStat.ru маълумотлар базасида мавжуд бўлган каналлар маъмурларига шундай откриткалар юбориш 27 декабрдан бошланган. Бироқ каналлар сони жуда кўплиги боис, совға-откритка сал кечикиброқ келиши ҳам мумкин.
Агарда сизнинг ҳам каналингиз мавжуд бўлса ва совғани тезроқ олишни истасангиз, @TGStat_Bot’га мурожат этишингиз мумкин. Ушбу ботга «2019 username» ёзувини (қўштирноқсиз) юбориш кифоя; фақат бунда «username» ўрнига ўз каналингиз номини ёзасиз.
Ушбу янгиликни Telegram’да канал юритаётган бошқа дўстларингизга ҳам улашинг – ҳар ким ўзининг Янги йил совғасини олсин!
ЎҚИНГ: «Группага одам қўш ва пул ишла»: интернет-фирибгарларнинг янги туридан сақланинг!
