ТЕСТ: 2019 йилги смартфонлардан қай бирининг овози энг зўр?

PhoneArena ресурси ўтган йили тақдим этилган олтита флагман смартфоннинг динамикларини «кўр-кўрона» тест усулида текшириб кўрди. Шу тариқа, мусиқа тинглаш учун уларнинг қай бири энг яхши эканлигига ойдинлик киритилди.

ЎҚИНГ: "Окей гугл", "Энг яхши овозли ёрдамчи қайси"?

Мазкур синовда iPhone 11 Pro Max, Samsung Galaxy Note 10+, OnePlus 7T Pro, LG G8X, Google Pixel 4 XL ҳамда Asus ROG Phone II моделлари иштирок этган. Тажрибачилар уларнинг хотираларига бир хил ўнта қўшиқни юклаб олиб, ўн беш нафар кишига барчасини эшиттириб кўришган. Бунда қатнашчиларга смартфон модели маълум қилинмасдан, ҳар бир қўшиқнинг ҳар бир смартфонда максимал овозда эшиттиришган ва уларни ўн баллик тизимда баҳолашни сўрашган.

Мана, тингловчилар берган баҳолар асосида шакллантирилган рейтинг қуйидагича кўриниш олган:

Яъни, овоз янграш сифати бўйича ўтказилган «кўр-кўрона» тест ғолиби Google Pixel 4 XL бўлиб чиққан. Энг қизиғи шундаки, DxOMark профессионал баҳолаш сервисининг овоз сифати бўйича рейтингида бу смартфон атиги бешинчи ўринни олган!

ЎҚИНГ: Google Pixel 4 ҳамда Pixel 4 XL: Бетакрор функциялар ва янги дизайн, лекин нархи... (+видео)