ВИДЕОТАВСИФ: Ҳамёнбоп Galaxy A20s билан батафсил танишамиз!
Samsung корпорацияси ўтган йилнинг сентябрида, дастлаб Малайзиядаги аллақандай тадбирда Galaxy A20s смартфонини кўрсатган эди. Унинг тўлақонли анонси эса 23 сентябрда бўлиб ўтди ва техник жиҳатлари расман маълум қилинди.
ЎҚИНГ: Samsung биринчи чорак якунларини эълон қилиш арафасида: «Уч юлдуз» фойда қилдими ёки зарар?
Galaxy A20s аллақачон Ўзбекистон бозорига ҳам етиб келган ва яхши сотилмоқда. Сизларга севимли Terabayt.uz жамоаси эса ушбу девайснинг қадоғини очиб (unboxing қилиб), смартфоннинг ўзини тавсифлаб янги видеолавҳа тайёрлади.
Видеороликда мазкур смартфоннинг қадоғи очилиб, жамланмадаги аксессуарлар ҳам кўрсатилган. Galaxy A20s корпусининг хусусиятлари ҳақида сўз юритилиб, сўнг ўзи ёқиб кўрсатилган.
Айтиш керакки, Galaxy A20s модели жанубий кореялик гигантнинг ўрта нарх тоифасидаги смартфонлар туркумига мансуб. Унинг аппарат таъминоти асосини Qualcomm компаниясининг Snapdragon 450 процессори ташкил этади. Смартфонни 3 ёки 4 гигабайтлик тезкор, 32 ёхуд 64 гигабайтлик ички хотирага эга вариантларда таклиф этишади. Унда яна нақ 1 терабайтликкача бўлган microSD-карта учун, иккита SIM-карта уячасидан алоҳида слот ҳам мавжуд.
ЎҚИНГ: Galaxy M11 намойиш қилинди: Infinity-O дисплей, учталик камера, бақувват батарея ва USB-C!
Мазкур ҳамёнбоп смартфоннинг бош камераси 13, 8 ва 5 мегапикселлик, дисплейнинг томчисимон кемтигидаги селфи-камера эса 8 мегапикселлик сенсорларни ўз ичига олган. Galaxy A20s яхши жиҳатларидан бири унинг аккумуляторидир – 4000 мА/соатлик батарея 15 ваттлик технология бўйича тезкор қувват олади.
Смартфоннинг бошқа жиҳатлари ҳамда нархи хусусида видеонинг ўзида батафсил маълумотлар берилган. Шунингдек, биз куни кеча эълон қилган хабарда Galaxy A20s ва яна саккизта моделдаги харидоргир смартфон учун Ўзбекистоннинг учта онлайн дўконида белгиланган нархлар жадвалда таққослаб кўрсатилган.
Шунингдек, мана бу ҳавола орқали YouTube-каналимизга обуна бўлиб қўйсангиз, кейинги тавсифлар ва таққосларни биринчилар қаторида томоша қилиш имконига эга бўласиз.
ЎҚИНГ: Samsung учта ҳамёнбоп смартфонини Android 10 асосли One UI 2.0’гача янгилаяпти
