Xiaomi июлнинг охиригача чиқарадиган 17 та янги гаджет билан танишинг!
Ҳиндистонлик инсайдер Судҳаншу Амбҳоре (Sudhanshu Ambhore) ҳамиша Xiaomi ҳали чиқармаган маҳсулотлар ҳақидаги ишончли маълумотлари билан ишонч қозонган. Куни кеча у «Хитойча Apple» яқин ойлар ичида Европа бозорига тақдим этадиган девайсларни эълон қилди.
ЎҚИНГ: Оммалашган Xiaomi ҳақида оммалашмаган маълумотлар
Ушбу маҳсулотлар смартфонлар эмас, балки асосан «ақлли уй» ва маиший техника жиҳозларидир. Унга кўра, апрелнинг ўзидаёқ Епропа бозорига Xiaomi’нинг иккита маҳсулоти чиқади. Булардан бири Mi Robot Vacuum Mop Pro русумли ақлли робот-чангютгичнинг қора тусдаги янги версияси бўлса, иккинчиси Xiaomi Mi True Wireless Earphones 2 буткул симсиз қулоқчинидир.
Май ойида Xiaomi Mi AioT AC2350 роутери, Xiaomi Mi Robot Vacuum Mop (1С) робот-чангютгичи, HDMI порти орқали уланувчи Xaomi Mi TV Stick телевизон приставкаси Европада сотила бошлайди.
Июнь ойида Xiaomi «ақлли уй» жиҳозларини бу бозорга олиб киради, улар қаторида кузатув камераси, чироқ, янги экотизим хаби, вентилятор, шунингдек, ҳаво ҳароратини ва намлигини ўлчовчи ускуна мавжуд. Ёзнинг ўртасида эса учта русумдаги электрик самокат, яна битта робот-чангютгич, вентилятор, ёруғлик датчиги ҳамда портатив фотопринтер Европада сотила бошлайди.
