Xiaomi Mi 10’ларнинг РАСМИЙ нархлари: афсуски, эрта қувонибмиз!..
Куни кечагина биз инсайдерлар маълумотлари асосида Xiaomi Mi 10 ҳамда Mi 10 Pro смартфонларнинг нархларини эълон қилган эдик. Бу борада янги чиққан навбатдаги маълумот эса ҳафсалани пир қилади.
ЎҚИНГ: Mi 10’ларни қўятуринг, Xiaomi яна бир «бомба» смартфон тайёрлаяпти! (+«жонли» расмлар)
Кеча – 9 февраль куни Xiaomi Home расмий мобил иловасида ушбу флагманларнинг нархлари пайдо бўлган. Фойдаланувчи улардан скриншот олган ва бу нархлар биз ўйлаганимиздан анча юқори экан.
Демак, бошланғич конфигурациядаги – 8/128 гигабайтлик тезкор/ички хотирага эга Xiaomi Mi 10 нархи 4999 юань экан; бу эса 715 АҚШ долларига тенг. Юқоридаги скриншотда иккинчи ва учинчи қаторда айни шу смартфоннинг корпус ранглари Titanium Silver ҳамда Ice Sea Blue бўлган вариантлари кўрсатилган. Биринчи қатордаги – 5999 юань (ёки 860 доллар) нархлиси эса мовий корпусли, 8/256 гигабайтлик хотирага эга Xiaomi Mi 10 Pro моделидир.
Нима ҳам дердик, тақдимот яқин – ўшнда барчасига ойдинлик киритилади.
