Android P beta-versiyasi chiqdi. Qaysi smartfonlarga uni hoziroq o‘rnatish mumkin?
Google kompaniyasi o‘z mobil operatsion tizimining to‘qqizinchi – Android P talqinini tayyorlamoqda. Uning birinchi beta-versiyasini ikki oycha avval sinovchilar ixtiyoriga topshirgan edi, kuni kecha esa navbatdagi – ikkinchi beta-versiyasi ham taqdim etildi.
O‘QING: Android 9.0 P Developer Preview chiqishiga oz qoldi!
Android P ilk beta-versiyasini faqatgina birinchi va ikkinchi avlod Pixel smartfonlari egalari sinab ko‘rishlari mumkin bo‘lgan bo‘lsa, yangi talqin yana boshqa ishlab chiqaruvchilarning bir nechta modellari uchun ham taqdim etildi.
Mana, Android P ikkinchi beta-versiyasini o‘rnatish mumkin bo‘lgan smartfonlar ro‘yxati quyidagicha:
- Sony Xperia XZ2
- Xiaomi Mi Mix 2S
- Nokia 7 Plus
- Oppo R15 Pro
- Vivo X21
- OnePlus 6
- Essential PH-1
- Google Pixel
- Google Pixel XL
- Google Pixel 2
- Google Pixel 2 XL
Agar siz mana shu modellardan birini ishlatayotgan bo‘lsangiz, u holda Android P beta-sinov dasturida ishtirok etishingiz mumkin. Buning uchun mana bu havola orqali Android Beta saytiga o‘tishingiz va shartlarni qabul qilishingiz lozim. So‘ng smartfoningizda yangilanishlarni tekshirib ko‘rasiz va ularni o‘rnatib olasiz. Android P beta-versiyasini o‘rnatishda smartfoningizdagi barcha foydalanuvchi ma’lumotlari va sozlamalari saqlanib qoladi.
O‘QING: Android 9.0 P tizimli Google Pixel 3 flagmanini tomosha qilamiz!