Antiqa aksiya: uy telefonini topshirib, smartfon oling!
Ayrim ishlab chiqaruvchilar «Trade-in» dasturi doirasida o‘zlarining eski modellarini mijozlardan qaytarib olib, yangisini chegirma bilan berishlarini bilamiz. Lekin Rossiyadagi «Svyaznoy» riteyleri Xellouinga bag‘ishlab joriy etgan aksiya yanada boshqacha...
O‘QING: Samsung ishlatilgan iPhone’larni Apple’dan ham qimmatroqqa sotib olyapti!
Ushbu aksiya «Uy telefonlari qabristoni» deb nomlangan. Uning doirasida istalgan mijoz ushbu do‘konlarga statsionar – uy telefonini topshirib, evaziga yangi smartfon uchun chegirma olishi mumkin. Chegirma o‘lchami har xil bo‘lib, 2 mingdan to 30 ming rublgacha boradi!
«Uy telefonlari qabristoni» aksiyasi 3 noyabrgacha davom etadi. «Svyaznoy» mijozlari unda Samsung, ZTE, Huawei hamda Honor brendlarining ayrim rusumlardagi smartfonlari uchun chegirma olishlari mumkin bo‘ladi.