Bugunoq taqdim etiladigan Xiaomi Redmi Y2 narxi va jihatlari bilan tanishing!
Xiaomi kompaniyasi yaqinda Redmi S2 rusumli devaysini taqdim etgan edi. Bu – asosan selfi ishqibozlariga mo‘ljallangan, qo‘sh kamerali, metall korpusli smartfondir.
O‘QING: "Malika"dagi "selfi-killer" — Redmi S2'ni o‘rganamiz
Turli xabarlarga ko‘ra, xitoylik smartfonsoz bugun – 7 iyundayoq uning modernizatsiya qilingan talqini – Xiaomi Redmi Y2 modelini taqdim etadi. U rivojlanayotgan Hindiston bozoriga mo‘ljallangan bo‘lib, faqat Amazon India platformasi orqali sotiladi.
O‘tgan yilning noyabrida taqdim etilgan Xiaomi Redmi Y1 selfifonining 16 megapikselli old kamerasi «sun’iy idrok» tizimiga va yorug‘lik-diodli fotochaqnoqqa ega. Uning izdoshi – Redmi Y2 ham shunday kamera va biroz kuchaytirilgan jihatlarga ega bo‘lishi aytilayotir.
O‘QING: Xiaomi’ning selfisevarlarga sovg‘asi – Redmi Y1 va Redmi Y1 Lite taqdim etildi
Xullasi kalom, insayderlar bergan ma’lumotlarga ko‘ra, Xiaomi Redmi Y2 smartfoni quyidagicha texnik xususiyatlarga ega:
- Displey: 5,99 dyuymli, HD+ formatli, 2,5D himoya shishali, tomonlari 18:9 nisbatli;
- Protsessor: Qualcomm Snapdragon 625, takt chastotasi 2,0 gigagers;
- Xotira: 3/32 yoki 4/64 GB; yana 256 GBgacha hajmli microSD uyachasi bor;
- Asosiy kamera: 12 + 5 MP, yorug‘lik-diodli chaqnoq;
- Old kamera: 16 MP, yorug‘lik-diodli chaqnoq, «sun’iy ong» asosidagi AI portret hamda AI beauty konfiguratsiyali;
- Operatsion tizim: Android 8.1 Oreo bazasidagi MIUI 10 proshivkasi;
- Akkumulyator: 3080 mA/soatlik Li-Ion;
- Barmoq izi skaneri: orqa panelda.
Xiaomi Redmi Y2 smartfoni uch xil – pushti tillarang, tillarang va kumushrang korpuslarda taqdim etiladi. Uning 3 gigabayt tezkor xotirali talqini 999 yuanga baholanishi taxmin qilinayotir, bu taxminan 156 AQSh dollariga teng keladi. Smartfonning 4 gigabaytlik xotiraga ega versiyasi esa 1299 yuan (taxminan 203 dollar) bo‘lishi mumkin.
Ushbu smartfon bilan deyarli bir xil bo‘lgan Xiaomi Redmi S2 modeli esa, yaqindagina rasman taqdim etilgan bo‘lsa-da, allaqachon O‘zbekiston bozorlariga ham yetkazilgan.
