Bunaqasi bo‘lmagan: firibgarni shrift fosh etdi!
Kanadalik tadbirkor Jerald Makgoy (Gerald McGoey) bankrot bo‘lib, qarzlarini qoplash uchun mol-mulki musodara qilinadigan bo‘lgan. Lekin uning sudga aytishicha, mol-mulki o‘zining emas, balki xotinining nomida ekan – uni musodara etish mumkin emas.
O‘QING: Ehtiyot bo‘ling! Internetda firibgarlik ko‘paymoqda
Biznesmen bu haqdagi hujjatlarni sudga taqdim etganida, ekspertlar ularning qalbaki ekanini payqab qolishdi. O‘ziyam nimasidan deng – yozuvining shriftidan!
Gap shundaki, uy-joy hujjatlaridagi barcha yozuvlar 2004 yilda yaratilgan Calibri shriftida yozilgan ekan, hujjatlar sanasi esa – 1995 yilga to‘g‘ri keladi. Yana bitta hujjat esa Cambria shriftida terilgan – bu shrift ham 2004 yili yaratilib, 2007 yildagina ommalashgan.
Shu tariqa, Jerald Makgoy mol-mulkidan ajralishdan tashqari, yana sudni aldashga uringani va qalbaki hujjat tayyorlagani uchun ham javobgarlikka tortiladigan bo‘lyapti.
O‘QING: Microsoft Word’dagi maxfiy konverterni faollashtiramiz
