Galaxy S10’dan ustun, Mi 9 «kushandasi» – Meizu 16s namoyish va savdoga chiqish kuni ma’lum
O‘z yurtida Xiaomi kompaniyasining asosiy raqobatchisi bo‘lgan Meizu ham sifati narxidan ustun gadjetlari bilan mashhur. U hozirda o‘zining Meizu 16S flagmanini taqdimotga tayyorlamoqda.
O‘QING: «Jonli» rasmlar: Hali taqdim etilmagan Meizu 16S benchmarkda Galaxy S10’dan ustun keldi!
Kutilayotgan ushbu smartfon «xitoycha Apple»ning flagmani – Xiaomi Mi 9 modelining asosiy raqibi bo‘ladi. Meizu 16s ikki modulli bosh kamerasining asosiy sensori 48 MPlik, «elektron yuragi» ham eng zo‘ri – Snapdragon 855, tezkor xotirasi esa 8 gigabaytlikdir.
Yangi xabarlarga ko‘ra, Meizu 16s flagmanini kompaniya 23 aprelda namoyish etadi, bozorga esa uni 29 aprel kuni chiqarishadi.
Meizu 16s modelining narxi hamda Xitoydan tashqarida rasman sotilish-sotilmasligi hozircha noma’lum. Terashop.uz internet-do‘konimizda esa mazkur kompaniyaning turli rusumlardagi smartfonlarini 750 000 so‘mdan boshlangan narxlarda xarid qilish mumkin.