Hali taqdim etilmagan LG G7 flagmanining videosi chiqdi
Concept Creator nomli YouTube-kanal hali namoyish etilmagan LG G7 smartfonining norasmiy ma’lumotlar asosida yaratilgan videokonseptini e’lon qildi.
Ushbu videolavhada LG G7’ning turli qismlari va xususiyatlarini har tomonlama tomosha qilish imkoni mavjud:
Navbatdagi flagmanning displeyi uning korpusi old panelining 90 foizini egallaydi. Ekranning tepa va pastki qismlarida baquvvat dinamiklar joylashadi.
LG G7 standart 3,5 millimetrlik audiotirqishga ham, trenddagi USB Type-C portiga ham ega bo‘ladi. Korpusning orqa panelida esa yonma-yon joylashgan qo‘sh ob’yektivli kamera va barmoq izi skaneri joy olgan.
O‘QING: Galaxy S9, Xiaomi Mi7 va LG G7 flagmanlarini nima bog‘lab turadi?
Shu paytgacha tarqalgan gap-so‘zlarga qaraganda, LG G7 modeliga 8 yadroli ilg‘or Qualcomm Snapdragon 845 protsessori qo‘yiladi. U Adreno 630 grafik tezlatgichiga hamda yap-yangi LTE X20 modemiga ham ega.
Mazkur flagmanning taqdimoti kelgusi yilning birinchi choragida bo‘lib o‘tishi kutilmoqda. Uning narxi borasida hozircha ma’lumotlar yo‘q.