Huawei'ning yangi avlod Nova smartfonlari seriyasi bu safar uchta modelni o'z ichiga oladi
Huawei kompaniyasi o'z vatanida yana bir qator smartfonlarni taqdim qildi. Bu Nova 11 seriyasi bo'lib, u ilk marotaba uchta modelni o'z ichiga olmoqda: Nova 11, Nova 11 Pro va Nova 11 Ultra. Ularning uchchalasi ham Qualcomm'ning Snapdragon 778G chipseti bilan jihozlangan, lekin ular 4G bilan cheklangan.
Huawei Nova 11 Pro va Huawei Nova 11 Ultra
Huawei Nova 11 Pro va Huawei Nova 11 Ultra modellari bir-biridan tashqi ko'rinishda ham, ichki texnik xususiyatlarda deyarli farq qilmaydi. Ularni bir-biridan ajratib turadigan asosiy xususiyat Ultra'ning sun'iy yo'ldosh orqali ikki tomonlama aloqani qo'llab-quvvatlashidadir.
Huawei Nova 11 Pro | Huawei Nova 11 Ultra | |
O'lchamlari va og'irligi |
164.24×74.35×7.88 mm |
|
Ekran |
6.78 dyuym, OLED |
|
Chipset |
Qualcomm Snapdragon 778G (4G) |
|
Operatsion tizimi |
Harmony OS 3 |
|
Orqa kameralari |
50 MP asosiy |
|
Old kamera |
60 MP ultra-keng |
|
Batareya & zaryadlanish |
4500 mA/s, 100 Vt |
Ikkala smartfonlarning ham old ekranlari yon tomonlari biroz qayrilgan dizaynga ega va bu ekranni Kunlun oynasi himoya qiladi. Ekranning chap yuqori burchagida siz ikkilik selfi kameralar joylashgan uzunchoq tirqishni ko'rasiz. Ular asosiysi (o'ng tomondagisi) 100° ko'rish maydoni ega bo'lsa, ikkinchisi (chap tomondagisi) 2× va 5× zum qobilyatiga ega.
Orqa tomonda siz yana uchta kameralarni ko'rishingiz mumkin. Garchi megapiksellari bir xil bo'lsa ham, Pro va Ultra modellarning asosiy kameralari turlicha xususiyatlarga ega. Masalan, Ultra modelning 50 MP asosiy kamerasi f/1.4 dan f/4.0 gacha o'zgara oladi. Pro modelning 50 MP asosiy kamerasi esa f/1.9 o'zgarmas diafragmada. 8 MP kamera va qolgan qo'shimcha sensorlar esa ikkovida ham bir xil.
Aytish kerak bo'lsa, Nova 11 Pro va Nova 11 Ultra smartfonlari xotira konfiguratsiyalarida biroz farq qiladi yoxud Ultra faqat 512 GB xotira bilan taklif qilinsa, Pro modelni siz ham 512 GB, ham 256 GB xotira variantlarida topishingiz mumkin. Qolaversa, Huawei Nova 11 Ultra faqat o'ziga xos naqsh tushirilgan charm bilan qoplangan yashil va qora, Huawei Nova 11 Pro esa xuddi shunday qora va shu bilan birga shisha orqa tomonli oq va oltin ranglarda sotuvga chiqariladi.
Huawei Nova 11
Yuqori modellardan farqli o'laroq boshlang'ich model, Nova 11 ning o'zi ixchamroq (161.29×74.96×6.88 mm) va yengilroqdir (168 gramm). Uning 6.7 dyuymli tep-tekis OLED ekrani xuddi iPhone'lardagidek har tomondan bir xil 1.59 mm qalinlikdagi ramka bilan o'ralgan. FHD+ (2412×1084) piksel rezolyutsiyasidagi displey 120 gerts yangilanish tezligiga ega.
Ekran yuqori markazidagi yumaloq tirqishda joylashgan tirqish 4K videolar oladigan 100° ko'rish maydoniga ega 60 MP selfi kamerani o'z ichiga oladi. Orqa tomondagi uchlik kamera tizimi esa Pro modelniki bilan bir xil. Qurilmaning 4500 mA/s batareyasini 66 Vt tezlikda 31 daqiqada to'liq quvvatlash mumkin. Huawei Nova 11 modeli ham yashil, qora, tilla va oq ranglarda taklif qilinadi, lekin u plastik bilan qoplangan.
Qo'shimchasiga uchchala smartfonlar NFC, Wi-Fi 6, Bluetooth 5.2 texnologiyalarini qo'llab-quvvatlaydi ekran ostida barmoq izi skaneriga ega. Smartfonlarda 3.5 millimetrli naushnik uyasi mavjud emas.
Narxlar quyidagicha:
- Huawei Nova 11 (128 GB) – 2499 yuan yoki ≈364 dollar
- Huawei Nova 11 (256 GB) – 2799 yuan yoki ≈407 dollar
- Huawei Nova 11 (256 GB, Kunlun himoya oynali varianti) – 2999 yuan yoki ≈436 dollar
- Huawei Nova 11 (512 GB, Kunlun himoya oynali varianti) – 3399 yuan yoki ≈495 dollar
- Huawei Nova 11 Pro 256 GB – 3499 yuan yoki ≈509 dollar
- Huawei Nova 11 Pro 256 GB, Kunlun himoya oynali varianti – 3699 yuan yoki ≈538 dollar
- Huawei Nova 11 Pro 512 GB – 3999 yuan yoki ≈582 dollar
- Huawei Nova 11 Ultra 512 GB, Kunlun himoya oynali varianti – 4499 yuan yoki ≈655 dollar
Smartfonlar uchun allaqachon oldindan buyurtma berish boshlangan. Sotuvlar 26-apreldan boshlanadi.