Ijaraga beriluvchi transport vositalari videoregistrator va GPS-navigatorlar bilan ta’minlanishi lozim
Hukumatning 14 dekabrdagi qarori bilan “Yengil avtomobillar va mototransport vositalarini qisqa muddatli ijaraga berish tartibi to‘g‘risida”gi nizomida ijaraga beriluvchi transport vositalari videoregistrator va GPS-navigatorlar bilan ta’minlanishi lozimligi aytib o‘tilgan. Bu haqda “Huquqiy axborot” kanali ma’lum qildi.
Shuningdek, mazkur Nizomga ko‘ra yengil avtomobillar va mototransport vositalarini qisqa muddatli ijaraga berish shartnomasi 30 kundan ortiq bo‘lmagan muddatga yozma tarzda tuziladi.
Qisqa muddatli ijara shartnomasini notarial rasmiylashtirish hamda DYHXX organlaridan ro‘yxatdan o‘tkazish talab etilmaydi.
Qisqa muddatli ijara shartnomasida taraflar, ya’ni ijaraga beruvchi yuridik shaxs, ijaraga oluvchi (ijarachi) esa jismoniy shaxs bo‘ladi.
O‘QING: 1 yanvardan «Qo‘riqlash Servis» joriy qilinadi va xonadonlarda qo‘riqlash vositalari o‘rnatiladi
