Ko‘plab o‘yinchilar Pokemon GO’ni tark qilishgan bo‘lsa-da, ammo o‘yin daromad keltirishda davom etmoqda
Slice Intelligance ma’lumotlariga ko‘ra, AQShda o‘yin ichida xaridlarni amalga oshirgan 79% o‘yinchilar o‘yinni tark etishgan.
Pokemon GO’ning eng cho‘qqiga chiqqan payti 15-iyulda kuzatilgan. Biroq o‘yinchilar vaqt o‘tgan sari o‘yindan ketishni boshlaganlar. Sentyabr boshida esa mobil o‘yinlar bozori Pokemon GO chiqqunga qadar bo‘lgan o‘rtacha ko‘rsatkichlarga qaytgan.
Garchi o‘yinning ommabopligi sezilarli darajada kamaygan bo‘lsa-da, Pokemon GO hanuzgacha Niantic kompaniyasiga katta foyda keltirishdan to‘xtagani yo‘q. Avgust oyida mobil ilovali o‘yinlarda amalga oshirilgan xaridlarning 28,4 foizi Pokemon GO hisobiga to‘g‘ri kelgan.
O‘yindagi turli atributlar sotuvi o‘tgan yilning shu davriga nisbatan 233%ga oshgan.
