Marsda ulkan ko‘l topildi
Bir guruh olimlar Science jurnali uchun tayorlagan maqolasida birinchi bo‘lib Marsda suyuq shakldagi suv topganliklari haqida hikoya qilishdi. Olimlar Qizil sayyoraning janubiy qismida muz qatlamlari ostida ulkan suv hovzasini topishgan.
O‘QING:Koinotdan olingan fotosurat: Marsda kuchli po‘rtana
Marsdagi krater, avval bu yerda suv bo‘lgan
Marsda suv qidirib topish olimlar uchun dolzarb masalalarning biri hisoblanadi. Chunki suv sayyora yuzasida mavjud hayot nishonalaridan darak berardi-da. Shuningdek, suvning topilishi Marsni odamlar u yerga ko‘chib o‘tishi mumkin bo‘lgan eng do‘stona sayyoraga aylantirar edi.
Mars yuzasini o‘rganish uchun Mars Express sun’iy yo‘ldoshidagi MARSIS radiolokatsiyali uskunadan foydalanilgan. Sayyorani tadqiq qilishga uch yil ketdi, olimlar ushbu davr mobaynida janubiy qutbdagi ma’lum bir hududlarni fotosuratga olishib, radar ko‘rsatkichlarini tahlil qilishdi.
O‘QING:Mars sayyorasida muz bloklari qayerdan paydo bo‘ldi?
Mars yuzasida suv topilgan hudud xaritasi
Natijada olimlar Mars yuzasidan 1,5 kilometrlik chuqurlikda suvi suyuq holatda bo‘lgan butun boshli ko‘l topilgani haqida ma’lum qilishdi. Dastlabki taxminlarga ko‘ra, uning diametri 20 kilometrni tashkil etadi, chuqurligi esa atigi 20 santimetr chiqadi. Havo haroratining pastligiga qaramay u yerda suv muzlamagan, Olimlar buning sababi sifatida, ushbu hududda bosim kuchli bo‘lgani yoki suv sayyora tuprog‘i bilan aralashib ketganini aytishmoqda.
Endi olimlar o‘zlarining topilmalarini isbotlash kerak bo‘ladi. Buning uchun InSight missiyasi ishga tushirilgan. Missiya doirasida Marsga yerni burg‘ulaydigan va haroratni o‘lchaydigan maxsus apparat jo‘natildi. Apparatlar Qizil sayyorada shunday chuqurlikda suv suyuq holda saqlanadimi yoki yo‘qmi, degan savolga javob topishda olimlarga yordam berishi kerak, deb yozadi The Washington Post gazetasi.
