Meizu 16 flagmanlari: narxlari ma’lum, tavsifi ham batafsil
Yubiley lineyka hisoblangan Meizu 15 samartfoni endigina sotuvda paydo bo‘la boshladi, yozning oxirlariga kelib esa kompaniya “to‘laqonli” flagman hisoblangan Meizu 16’ni bozorga chiqarishni mo‘ljallayapti. Taqdimotga tayyorlanayotgan qurilmaning orqa tomoni qanday ko‘rinishda bo‘lishini insayderlar avvalroq namoyish qilgandi, endi esa, internet tarmog‘ida smartfonning oldi tomoni ham paydo bo‘ldi. Shu bilan bir yo‘la, insayderlar standart modellardan tashqari, katta Meizu 16 Plus’ning ham o‘ziga xos jihatlarini oshkor qildi.
Ishlab chiqaruvchilar Meizu 15 seriyasida klassikaga murojaat qilgan, yangi qurilma esa cho‘zilgan shakldagi tor romli OLED-displeyi bilan ta’minlandi. Paneli barmoq bosimiga juda sezgir, gap–so‘zlarga qaraganda, apparatning ekranida barmoq izlari skaneri o‘rnatilgan, garchi Meizu 16’da uni kamalakli qobiq bilan ham almashtirish mumkin. Top protsessorlardan sanalgan Snapdragon 845 ushbu smartfonning yuragini tashkil etadi. Qolaversa, ikkinchi avlod silkintiradigan matorcha mEngine va NFC (nihoyat!) ham o‘rnatilgan. Operatsion tizimi — Flyme 7.5.
O‘QING: Tarmoqlarda Meizu 16 va 16 Pro tavsiflari paydo bo‘ldi
5.6-dyuymli displeyi bo‘lgan Meizu 16 6 GB tezkor xotira va 64/128 GB ichki xotira bilan ta’minlangan. Asosiy qo‘sh kamera 12+20 megapikselli, old kamera esa 20 megapikselli. Qurilmaning quvvatini 3080 mAch sig‘imga ega akkumulyator ta’minlaydi, shuningdek u 24 Vt gacha quvvatga ega Super Cold mCharge zaryadkasiga ham ega bo‘ladi.
Meizu 16 Plus’da esa yonlari yassilangan 6.1-dyuymli displey (fotoda aynan «plyus» tasvirlangan ko‘rinadi) bor. Smartfonning tezkor xotirasi 6/8 gigabayt va ichki xotirasi 128/256 gigabayt. Xabarda aytilishicha, flagmanning ort tarafida ikkitasi 12 megapikselli va uchunchisi 20 megapikselli uchtalik kamera mavjud, Old kamerasi ham 20 megapikselli.
O‘QING: iPhone X’ni uyaltirgan smartfon
Plus-versiyasidagi akkumulyatorning sig‘imi 3600 mAch, bundan tashqari, quvvati 32 Vt bo‘lgan Super Cold mCharge zaryadkasi bilan, uni simsiz quvvatlantirish ham mumkin. Suvdan himoyasi bormi-yo‘qmi, bu haqda hozircha hech narsa deyilmagan, lekin umid qilish mumkin.
Dastlabki tarqalgan xabarlarga qaraganda, Meizu 16 qariyb, 470 dollar, 6/128 GB bo‘lgan versiyasini esa 515 dollarga sotib olishingiz mumkin. Xotirasi 6/128 GB bo‘lgan Meizu 16 Plus’ga 580 dollar to‘lashingiz kerak bo‘ladi, qimmat variant hisoblangan 8/256 GB xotiraga ega qurilma esa 625 dollarga baholangan.
Agar berilgan ma’lumotlar o‘z tasdig‘ini topsa, Meizu 16 smartfoni OnePlus 6’ning juda zo‘r muqobili bo‘ladi, deyiladi xabarda.
Meizu 16 oilasiga kiruvchi flagmanlarning taqdimoti avgust oyida bo‘lishi kutilmoqda.
