Microsoft’ning Facebook’dagi sahifasi: O‘zbekistonmi, Qozog‘istonmi yoki Belarusmi?
Kecha – 9 noyabr kuni Microsoft korporatsiyasining Facebook ijtimoiy tarmog‘idagi Microsoft Uzbekistan sahifasining nomi kutilmaganda o‘zgarib, Microsoft Kazakhstan’ga aylanib qoldi.
Bunga birinchilardan bo‘lib apolotary (@parhelion318) nikli Twitter foydalanuvchisi e’tibor bergan.
Mnogoxodovochka pic.twitter.com/ylo936ISKx
— apolotary (@parhelion318) 9 noyabrya 2017 g.
Shuningdek, Telegram mesenjeridagi Texnoman kanali ham bu o‘zgarishdan olingan skrinshotni e’lon qilgan.
Qizig‘i shundaki, Microsoft Kazakhstan degan yangi nomi orqali Facebook’dan qidirsangiz, bu sahifaning manzili umuman boshqacha – facebook.com/microsoft.belarus ekaniga amin bo‘lasiz!
Yaqingacha bu sahifa chindan ham shunaqa – Microsoft Belarus deb nomlangan bo‘lgan.
Undan ham qizig‘i – Microsoft Kazakhstan nomida boshqa sahifa ham mavjud bo‘lib, uning manzili boshqacha: facebook.com/MicrosoftCIS.
Microsoft hozircha bu o‘zgarishlar haqida biror rasmiy izoh bergan emas.