MIUI 9’gacha yangilanadigan 40ta Xiaomi bitta ro‘yxatda!
O‘tgan yilning oxirida Xiaomi korporatsiyasi o‘zining mobil qurilmalari uchun MIUI 9 operatsion tizim qobig‘ini taqdim etgan edi. O‘shandan buyon o‘ttizta rusumdagi gadjetga mazkur yangilanish joriy etilgan bo‘lsa, kecha ishlab chiqaruvchi yana o‘nta modeldagi devayslarini MIUI 9’gacha yangilashini ma’lum qildi. Demak, «xitoycha Apple»ning jami qirqta rusumdagi smartfon va plansheti egalari endi zamonaviy va tezkor MIUI 9 proshivkasidan foydalanishlari mumkin bo‘ladi.
O‘QING: Xiaomi smartfonlarida MIUI 9’ning ajoyib funksiyasini faollashtiramiz (+video)
Xullas, Xiaomi’ning quyidagi modellarga mansub qurilmalari proshivkasini MIUI 9 talqinigacha yangilash imkoni bo‘ladi:
- Mi 2
- Mi 2S
- Mi 3
- Mi 4
- Mi 4s
- Mi 4C
- Mi 5
- Mi 5C
- Mi 5s
- Mi 5s Plus
- Mi 5X
- Mi 6
- Mi Note
- Mi Note 2
- Mi Note 3
- Mi Max
- Mi Max 2
- Mi MIX
- Mi MIX 2
- Redmi 1S
- Redmi 2
- Redmi 2A
- Redmi 3S
- Redmi 3X
- Redmi 4X
- Redmi 4A
- Redmi 4 High Version
- Redmi 5
- Redmi 5A
- Redmi 5 Plus
- Redmi Note
- Redmi Note 2
- Redmi Note 3
- Redmi Note 4
- Redmi Note 4X
- Redmi Note 5A
- Redmi Pro
- Mi Pad
- Mi Pad 2
- Mi Pad 3
O‘QING: Xiaomi smartfonlarini AliExpress orqali «Malika»dagidan arzonroqqa oling!
Negadir Xiaomi ushbu ro‘yxatiga eng ommabop ikkita smartfon – Redmi 4 Standard Edition hamda Redmi 3 modellarini kiritmagan. Holbuki, bu ikkala devays ham texnik ta’minoti jihatidan MIUI 9 bilan to‘la muvofiq keladi. Aftidan, korporatsiya shunchaki ularni ro‘yxatga kiritishni esdan chiqargan, chunki bu ikkalasidan oldingi modellar ham ro‘yxatda bor-ku. Nima bo‘lganda ham, bunga yaqin orada aniqlik kiritiladi.
Aytish kerakki, yangi proshivkani mazkur qurilmalarga «havo orqali» qachon o‘rnatish mumkin bo‘lishi borasida Xiaomi ma’lumot bermagan. Taxminlarga ko‘ra, yangilanishlar yaqin bir necha haftada yuboriladi.