Odnoklassnikining shaxsiy xabarlar bo‘limida endi o‘yin o‘ynash mumkin

Odnoklassniki ijtimoiy tarmog‘ida yangi funksiya paydo bo‘ldi: endi shaxsiy xabarlar bo‘limida suhbatdosh bilan turli o‘yinlarni o‘ynash mumkin. Bu borada Odnoklassniki tarmog‘ining blogida xabarb berilgan. O‘yinlar tarmoqning veb-versiyasida hamda iOS va Android tizimlariga mo‘ljallangan ilovalarda qo‘llab-quvvatlanadi.

Suhbatdoshni o‘yinga faqat veb-versiya orqari taklif etish mumkin. Biroq o‘yinga OK mobil ilovalaridan ham qo‘shilsa bo‘ladi. O‘yinni ishga tushirish uchun suhbatdoshga xabarlar bo‘limidan taklif yuboriladi, qarshi taraf taklifni qabul etgach, o‘yin boshlanadi.

Hozircha bunday rejimda faqat bitta – Uniwordsity o‘yini taklif etilgan. Mazkur o‘yinda muayyan so‘zlarni topish kerak bo‘ladi. Kelgusida fransuz dasturchisi Lisdwi tomonidan yaratilgan “Darts” o‘yini va boshqa o‘yinlarni qo‘shish rejalashtirilgan.