Oz qoldi: avtomobillarni smartfon bilan ham boshqarsa bo‘ladi
Kelajakda avtomobillar boshqaruvning ancha ilg‘or intellektual tizimiga o‘tadi, natijada rul chambaragidan to‘liq voch kechiladi. Shunga qaramay, agar “temir otingizni” avvalgidek qo‘l bilan boshqargingiz kelsa Ford kompaniyasi bu masalani juda olddiy usulda hal qilib bermoqchi. Ya’ni mashinani smartfon yordamida boshqaradigan qiladi, xuddi mobil o‘yinlardagidek. Ayni paytda kompaniya boshqarishning ikkita rejimini patentlashtirdi.
Birinchi rejim bo‘yicha mashinani boshqarish uchun smartfonni u yoki bu tomonga bursangiz yetadi, masalan, Real Racing 3 dagidek. Qurilmangizdagi akselerometr va giroskop old g‘ildirakni kerakli tomonga yo‘naltiradi. Darvoqe, ushbu rejim osongina avtohalokat keltirib chiqarishi mumkin. Ikkinchi rejimda gadjet ekraniga joylashgan rul chambaragini barmoqlar bilan aylantirish mumkin bo‘ladi.
Shu bilan birga ikki holatda ham avtomobilning intellektual tizimlari mashinani tezlashtirish va to‘xtatish uchun javob beradi. Bu esa ayrim holatlarda foydali bo‘lishi mumkin. Masalan, agar siz harakat polosasini o‘zgartirmoqchi bo‘lganingizda yoki qandaydir joydan o‘tayotganingizda.
O‘QING:Ford Teslaning ustidan kuldi: kompaniya rahbari 7000 ta mashinani 4 soatda yig‘ishini ma’lum qildi
