RASMIY IZOH: IIV xodimlarini suratga yoki videoga olib, internetga chiqarish mumkinmi?
15 dekabr kuni AOKAda Ichki ishlar vazirligi mas’ullari ishtirokida «Jamiyatda korrupsiyaga qarshi kurashish, jinoyatchilikning oldini olishga qaratilgan ishlar» mavzusida matbuot anjumani bo‘lib o‘tdi. Unda Ichki ishlar vaziri matbuot kotibi Shohrux G‘iyosov ishtirok etdi, deb yozadi Sof.uz.
O‘QING: Feyklarga aldanmang: Toshkent ko‘chalaridagi uch oyoqli kameralar nimalarni kuzatmoqda?
Ichki ishlar vaziri matbuot kotibi Shohrux G‘iyosov vazirlik xodimlarini tasvirga olish va ijtimoiy tarmoqlarda tarqatish borasidagi savolga javob berdi.
«Biz hozir shu yo‘nalishda xodimlarimiz, jurnalistlar va fuqarolar uchun videorolik tayyorlayapmiz. Aniq qilib sizga aytaman, biz ichki ishlar organlari – davlat xizmatchisimiz. Davlat xizmatchisini xohlagan odam, xohlagan vaqtda tasvirga olishi mumkin va xohlagan platformaga ushbu videoni qo‘yishi mumkin. Bu hech qayerda taqiqlanmagan.
Lekin bitta narsa mumkin emas va iltimos qilinadi: xodimlarning ishiga xalaqit berish kerak emas. Ichki ishlar organlari xodimlari, Post-patrul va yo‘l-patrul xizmati xodimlari ishiga xalaqit bermagan holda xohlagan joyingizda va xohlagancha tasvirga olishingiz mumkin», – dedi vazirlik matbuot xizmati rahbari.
O‘QING: Ijtimoiy tarmoqlarda ehtiyot bo‘ling: 89 mln so‘mgacha jarima to‘lashingiz mumkin!
