«ROBO CODERS 2019» tanlovida qatnashib, noutbuk va smartfonlar yutib oling!
Joriy yilning 4 fevralidan «ROBO CODERS 2019» tanlovi boshlangan. Tanlov robototexnika uchun dasturlash sohasida iqtidorli yoshlarni aniqlash uchun o‘tkaziladi. Bu xususda Mirzo Ulug‘bek innovatsion markazi rasmiy sayti xabar bermoqda.
O‘QING: Innovatsiya markazi logotipini o‘zgartirdi
Xabarga ko‘ra, dasturlash tajribasiga ega, 15 yoshdan 30 yoshgacha bo‘lgan istalgan talabgor ushbu tanlov ishtirokchisiga aylanishi mumkin.
Tanlovning asosiy vazifalari quyidagilar:
- axborot texnologiyalari sohasida iqtidorli yoshlarni aniqlash va qo‘llab-quvvatlash;
- yoshlarning ishbilarmonlik faolligini rivojlantirish.
Tanlovda «ROBO CODERS 2019» respublika tanlovini o‘tkazish to‘g‘risida NIZOMda belgilangan tartib asosida ariza topshirgan yoshlar ishtirok etishlari mumkin.
Ishtirokchilarni ro‘yxatga olish 2019 yilning 4 fevralidan 15 fevraliga qadar muic.uz rasmiy saytida amalga oshiriladi.
O‘QING: Toshkentda bolalarga dasturlash va robototexnikani o‘rgatuvchi RoboCraft kurslari ochilmoqda
«ROBO CODERS 2019» tanlovi dasturi uchta nominatsiya doirasida 9 ta sovrinli o‘rinlarni o‘zida jamlagan:
- Uchta birinchi o‘rin (HP 250 G6 i3-6006 4/500 noutbuki);
- Uchta ikkinchi o‘rin (Acer Extensa EX2519 N3160 4/500 noutbuki);
- Uchta uchinchi o‘rin (Xiaomi Redmi Note 5 64 GB smartfoni).
Shuningdek, quyidagi nominatsiyalarga ko‘p sonli rag‘batlantiruvchi sovrinlar taqdim etiladi:
- Eng tez koder;
- Eng sodda algoritm;
- Eng yosh dasturchi.
Tanlov O‘zbekiston Respublikasi Prezidenti huzuridagi Loyiha boshqaruvi milliy agentligi ko‘magida o‘tkazilmoqda.
Tanlov tashkilotchilari:
- Axborot texnologiyalarini ishlab chiqish va joriy qilishni qo‘llab-quvvatlash bo‘yicha «Mirzo Ulug‘bek innovatsion markazi direksiyasi» MChJ;
- Muhammad al-Xorazmiy nomidagi Toshkent axborot texnologiyalari universiteti;
- «ROBOTICS LAB FUTURE TECHNOLOGY COMPANY» MChJ.
Ishtirokchilarni ro‘yxatga olish muic.uz havolasi orqali amalga oshiriladi. Batafsil ma’lumotni +998 71 238 99 44 telefon raqamiga qo‘ng‘iroq qilib olishingiz mumkin.