Samarqandda innovatsion svetofor o‘rnatildi – uni piyodalar boshqaradi!
Piyodalarga qulaylik yaratish hamda ularning xavfsizligini ta’minlash maqsadida Samarqand shahrida zamonaviy svetofor o‘rnatildi. Bu haqda O‘zbekiston Milliy axborot agentligi xabar bergan.
O‘QING: Endi metroga kirishda IIB xodimlari turmaydi!
Ushbu innovatsion svetofor Ibn Sino ko‘chasida (aeroport yo‘li, TATU Samarqand filiali binosi oldida) joylashgan, deyiladi xabarda.
– Mazkur yo‘ldan transport vositalari ko‘p harakatlanadi, shu bilan birga talaba va o‘quvchilar ham o‘qishga borib-kelish uchun shu yo‘ldan o‘tib-qaytadi, – deydi Samarqand viloyati IIB YHXB matbuot xizmati xodimi Xurshid Safarov.
– Shu sababli boshqarma tashabbusi bilan bu yerda piyodalar tomonidan boshqariladigan svetofor o‘rnatildi. Joriy yilda shaharning boshqa harakat tig‘iz yo‘llarida ham shunday zamonaviy svetoforlar o‘rnatish ko‘zda tutilgan, – deydi mas’ul xodim.
O‘QING: Yo‘lda radar bormi? Unda bu haqda Waze orqali xabar bering
