Samsung Hindistonda Galaxy J7 Prime va Galaxy J5 Prime modellarini taqdim etdi

Мавлон Марасулов
2461
19.09.2016 18:44

Bugun Samsung Electronics kompaniyasi Hindistonda Galaxy J7 Prime va Galaxy J5 Prime modellarini namoyish qildi.

Har ikkala smartfon 16 GB doimiy xotira, microSD slot, barmoq izi skaneriga ega. Ikkita SIM-karta ishini qo‘llab-quvvatlaydi. Smartfonlarning korpusi metalldan tayyorlangan.

Galaxy J7 Prime 3300 mA/st sig‘imli batareyaga ega, u 8 yadroli 1,6 GGs chastotadagi protsessor yordamida ishlaydi. Telefonga 3 GB tezkor xotira, 8 MPli old hamda svetodiodli chaqnoq va avtofokusga ega 13 MPli asosiy kamera o‘rnatilgan. Galaxy J7 Prime 5,5 dyuymli FHD ekran bilan ta’minlangan.

Galaxy J5 Prime 4 yadroli Exynos protsessorida ishlaydi, tezkor xotirasining hajmi 2 GB. U LCD texnologiyasida ishlangan 5 dyuyli ekranga ega. Mazkur model 2400 mA/st sig‘imli akkumulyator bilan quvvatlanadi. Asosiy kameraning aniqligi – 8 MP, old kamerasi 5 MP.

Galaxy J7 Prime 280 dollar, uning “ukasi” esa 220 dollarga baholangan. Ikkala model qora va tillarang versiyalarda sotuvga chiqariladi.

Сайтимизнинг энг чиройли расмларини Инстаграмдаги саҳифамизда томоша қилинг!