Samsung smartfoni yana portladi
Samsung kompaniyasi smartfonlarining portlash tarixi kelgusida ham davom etadiganga o‘xshaydi. Detroytlik foydalanuvchi ayol may oyida yonib kulga aylangan avtomobili uchun aynan Samsung samrtfonini ayblamoqda.
ABC News tarqatgan manbada aytilishcha, ayol mashinasida ketayotgan bo‘lgan. Uning ikkita telefoni — Samsung Galaxy S4 hamda Galaxy S8 mashina salonidagi stakan qo‘yiladigan joyda bo‘lgan. Ma’lum vaqt o‘tgandan so‘ng jabrlanuvchi chaqnoq va uchqunni ko‘rgan, shundan keyin yong‘in boshlangan. Ayol mashinani yo‘l chekkasida to‘xtatib, tashqariga qochib chiqqan. Natijada transport to‘liq yonib ketgan, Nissan Maxima’dan faqat karkas qolgan, xolos.
O‘QING: Galaxy S9 va S9+ smartfonlari iPhone X’ni ortda qoldirdi
Mashina egasining ishonch bilan ta’kidlashicha, yong‘in smartfonning portlashi natijasida kelib chiqqan. To‘g‘ri, u aynan qaysi model portlaganini bilolmagan. Uning advokati Djerald Tursvellning aytishicha, ushbu voqeadan keyin mijozi stress holatiga tushib qolgan va uyqusida ham muammo orttirib olgan.
Advokat kompaniya vakillari bilan telefon orqali bog‘langan va bo‘lib o‘tgan voqea haqida gapirib bergan. «Biz Samsung bilan bog‘landik, ular avtomobilni hamda smartfon qoldiqlarini o‘rganish uchun mutaxassislarini jo‘natishdi.
Ayni paytda Samsung tergovga berilmagan, chunki yong‘inning haqiqiy sababchisini hozircha hech kim aytolmaydi.
O‘QING: Galaxy S10 biror smartfonda yo‘q jihatga ega bo‘ladi
