Snapdragon 750G chipi va 5,000 mAs akkumulyatorga ega Samsung Galaxy M42 5G smartfoni taqdim qilindi

Mirzoxidbek
747
28.04.2021 14:57

Samsung'ning Galaxy M lineykasi qatoriga yangi qurilma qo‘shildi. Qarshi oling: Galaxy M42 5G.

O‘QING: Galaxy M12 kelasi hafta Janubiy Koreyada sotuvga chiqariladi

Bir qarashdayoq ko‘rish mumkinki, ushbu yangi smartfon aslida Galaxy A42 5G'ning ribrending qilingan talqinidir. Ta’kidlash joizki, M42 5G smartfoni Galaxy M seriyasi orasida 5G aloqasiga ega ilk qurilmadir.

Galaxy M42 5G qurilmasiga 6.6 dyuym diagonalli Super AMOLED displeyi o‘rnatilgan. Ekran HD+ rezolyusiyasi va tomchi kamera tirqishiga ega. Orqa panelda 48MP asosiy, 8MP ultrakeng, 5MP makro va 5MP sath kameralari joylashgan.

Smartfon Snapdragon 750G platformasida ishlab, 6/8GB tezkor, 128GB doimiy xotiraga ega. Xotirani, shuningdek, microSD kartasi bilan kengaytirish ham mumkin. Akkumulyator 15 Vt da zaryad oladi, sig‘imi esa 5,000 mA/soat.

Galaxy M42 5G smartfoni Prism Dot Black va Prism Dot Grey ranglarida sotuvga chiqadi. 6GB/128GB modeli uchun kompaniya 295 dollar, 8GB/128GB talqin uchun esa 322 dollar so‘ramoqda. Ilk sotuvlar 1 maydan Samsung.com va Amazon India saytlarida boshlanadi.