Su-35S AQShning “ko‘rinmas” samolyotini ko‘rib qoldi
Su-35S samolyotining optik-lakotsion stansiyasi AQShning payqash qiyin bo‘lgan qiruvchi F-22 samolyotini havoda aniqladi.
Cu-35S — bugungi kunda Rossiyaning eng zo‘r jangovar samolyotlaridan hisoblanadi. Garchi uning o‘zi payqash qiyin bo‘lgan samolyotlar toifasiga kirmasa-da, lekin undagi texnikalar stels-qiruvchi samolyotlarni payqash imkonini beradi. Yaqinda «Suxoylarning» biri AQSh harbiy havo kuchlariga qarashli payqash qiyin bo‘lgan VVS F-22 Raptor samolyotini havoda fosh etdi va nishonga oldi. Bu hodisa Suriya osmonida kuzatildi: u yerda «Raptorlar» ham, Cu-35S qiruvchilari ham keng qo‘llanilmoqda .
Su-35S bortidan olingan F-22 Raptor samolyoti surati
Bunga optik-lokatsion stansiyasi – OLS-35’dan foydalanish tufayli erishildi. Ushbu tizim nishonni 90 kilometrgacha bo‘lgan masofagacha topadi. Tizim bir vaqtning o‘zida 4 ta nishonni kuzatib bora oladi.
O‘QING:Behuda vaqt sarf qilingan: F-35 qiruvchi samolyotining jangovar debyuti tanqidga uchradi
AQShda chiqadigan Defence Blog nashri jurnalistlarining ta’kidlashicha, bunday stansiyalar payqash qiyin bo‘lgan samolyotlarni ushlashda juda muvaffaqiyatli foydalanilmoqda, ammo faqat yaqin masofalarda.
Mutaxassislarning ta’kidlashicha, OLS-35 stansiyasi yaqin masofalarda bo‘ladigan janglarda Su-35S samolyotlariga ustunlik beradi, ammo hozirgi zamonda havo janglari optik-lokatsion stansiyalar uchun olis bo‘lgan masofalarda olib boriladi. Bunday holatlarda esa ustunlik F-22: stels-texnologiyasi tomonda bo‘ladi, bu esa amerikaliklar imkoniyatini oshirishi shubhasiz.
O‘QING:AQSh o‘zining “yangi” F-35 jangovar samolyoti bilan raqiblarini qo‘rqitmoqchi
