Uchar “qanotlar” va «aqlli» tuvak
CES-2016 elektronika ko‘rgazmasida Parrot kompaniyasi dronlar, ajoyib gadjetlar va avtomobil elekronikasini namoyish etdi. Jumladan, dronlar turkumida Parrot Disco qurilmasi ham bor. Unga frontal kamera o‘rnatilgan.
Parrot Bebop 2 droni esa minimal og‘irligi(500 gramm), keng maydonni tasvirga tushirish uchun ixtisoslashgan Full HD-kamerasi va parvoz paytida 25 daqiqa ishlay olish imkoniga ega ekani bilan farq qiladi.
«Aqlli» tuvak Parrot Pot deb ataladi. U o‘simlikning o‘sishini va sug‘orish jarayonini o‘lchab, eng muhim parametrlar bo‘yicha tekshirib boradi. Qurilma uchun Flower Power 2.0 ilovasi ishlab chiqildi. Ilovadan 8000 dan ortiq o‘simliklar haqidagi ma’lumotlar o‘rin olgan.
Shuningdek, kompaniya ko‘rgazmada Parrot Simple Box avtomobil resiveri hamda Smart Antenna nomli Ethernet`ga ulanish imkonini beruvchi tyunerni ham namoyish qildi.