Xiaomi "aqlli ko‘rpa"ni sotuvga chiqardi

Xiaomi kompaniyasi o‘ziga qarashli MIJIA kraudfanding platformasida g‘aroyib mahsulot -- "aqlli ko‘rpa" uchun mablag‘ yig‘ishni boshladi. Charpa ko‘rpasining ilg‘orligi shundaki, ko‘rpa haroratni nazorat qiladi.

Ko‘rpaning o‘ziga xos funksiyasi — xona yoki muhit haroratini his qiladi va zaruratga ko‘ra, foydalanuvchini kerakli harorat bilan ta’minlaydi. Misol uchun, xona isib ketganida ko‘rpadagi tola o‘zidan salqinlik ajratadi. Xona salqinlashsa, ko‘rpa o‘zidan issiqlik ajrata boshlaydi.

Ma’lum qilinishicha, ko‘rpada maxsus sensorlar yo‘q. Haroratni nazorat qilish uchun ta’sirchan tolaning o‘zi mas’ul. Tashqi ko‘rinishidan bu «gadjet» oddiy ko‘rpadan farq qilmaydi va 100% paxtadan tayyorlangan.

Ko‘rpaning 1,5 metr o‘lchamlisi 1 kg tosh bosadi va 75 dollar, 2 metrlisi 1,15 kg bo‘lib 95 dollardan sotiladi.