Xiaomi Redmi 5A hammani hayron qoldirmoqda
Counterpoint Research tahliliy kompaniyasi mart oyida dunyo bo‘yicha qancha smartfon sotilgan-u, qaysi model eng ommabop bo‘ldi, degan savolga javob topishga urinib ko‘rdi. Ma’lum bo‘ldiki, xaridorlar eng ko‘p iPhone X’ni ma’qul ko‘rishibdi. Tahlilchilarning bashorati unchalik qo‘tarinki bo‘lmasa–da, «olmali» smartfon nafaqat mart oyida, balki yilning birinchi choragi bo‘yicha ham eng ko‘p sotilgan smartfon bo‘lgan. Ushbu model mart oyida sotilgan jami gadjetlarning 3,5 foizini tashkil etgan.
O‘QING: Xiaomi o‘z smartfonlari uchun MIUI 10 talqinining taqdimot sanasini aytdi
Ko‘p sotilgan gadjetlar orasida iPhone 8 Plus ham ilg‘or sanaladi. Chunki u 2,3 foiz bilan ikkinchi o‘rinni egallagan. Uchunchi o‘rin esa, qutilmaganda arzon Xiaomi Redmi 5A’ga tegdi. Juda arzonligiga qaramay, ushbu qurilma qo‘shimcha imkoniyatlar bilan boyitilib, ishlash samaradorligi ham ortgan, shu bois ham u foydalanuvchilarning sevimli gadjetiga aylandi. Uning bozordagi ulushi mart oyida 1,8 foizni tashkil etdi.
O‘QING: Xiaomi Mi Router 4 marshrutizatorini taqdim etdi, narxi ham ma’lum
Shunday qilib, Xiaomi Redmi 5A dunyodagi eng ommabop Android-qurilmaga aylandi va bu yutuq shubhasiz, Xiaomi’ni o‘z tarixida ilk bor liderlar safidan joy olishga imkon berdi
