Yaponlar gumanoid robotni uy ta’mirlashga o‘rgatishdi
Robotning o‘zi gipsokarton turgan joyni aniqlaydi, ulardan bittasini ko‘tarib kerakli tomonga buriladi, so‘ngra devorga olib keladi.
Yaponyalik muhandislar HPR-5P gumanoid robotni taqdim etishdi va uning qurilishda ishlash qobiliyati bilan tanishtirdi. Ixtirochilar robotning o‘zi gipsokartonni tanib olishini, uni devordagi yog‘ochli karkasga o‘rnatishini va mix bilan qotirishini ko‘rsatishdi. Ushbu ishlanma IEEE Spectrum nashrining e’tiborini o‘ziga tortgani uchun, u haqda AIST instituti saytida atroflicha yoritildi.
Muhandislar anchadan buyon qurilish robotlarini yaratish bilan shug‘ullanib keladi, biroq bu texnik tomondan juda murakkab ish bo‘lib, robotlardan atrofdagi buyumlarni ajrata olishi va boshqa murakkab ishlarni o‘zlashtirishi talab etiladi. Shu bois, odatda bunday robotlar faqat bitta aniq ishni qilishga ixtisoslashtirilgan bo‘ladi. Bundan tashqari, qariyb har doim qurilish ishlari o‘nchalik katta bo‘lmagan ob’yektlar bilan manipulyasiya qilinadi, masalan kalta taxta yoki g‘isht.
Muhandislar HPR-5P gumanoid robotini va uning asosiy qurilish ishlari vazifalarini mustaqil bajara olishini namoyish qilishdi. HPR-5P bu Humanoid Robotics Project loyihasining yangi robotlari bo‘lib, uy ishlarida yordam beruvchi robotlarni yaratishni oldiga maqsad qilgan. Birinchi robot seriyasi amalda Honda P3 robotining aniq nusxasi sanaladi. Honda muhandislari ushbu robot asosida o‘zlarining mashhur ASIMO robotini yaratgan edi.
O‘QING:Robotlar shahri paydo bo‘ladi
Robotlar tomonidan atrofdagi kenglik xaritasining yaratilishi va kompyuter nigoh tizimining ishlashi
HRP-5P tuzilishi bo‘yicha xuddi odamga o‘xshaydi va uning ham qo‘li va oyog‘i bor. Uning bo‘yi 182 santimetr, vazni esa 101 kilogramm. Yangi versiyaga muhandislar yanada kuchli elektromotorlarni o‘rnatishdi va shu tufayli uning jismoniy qobiliyatini oshirishdi. Masalan, u qo‘lini cho‘zib turgan holatda 2,9 kilogramm og‘irlikdagi yukni ko‘tarib tura oladi. Robot boshida kamera va boshqa datchiklar joylashgan, ular yordamida atrofining xaritasini yaratib oladi va uni har 3,3 soniyada yangilab turadi.
O‘QING:Yana robotlar: ular endi maktablarda muallimlik ham qilishmoqda
Robotning qobiliyatini yanada oshirish uchun ixtirochilar unga gipsokarton taxtani o‘zi mustaqil ravishda devorga mahkamlashni o‘rgatdilar. Shundan keyin u kompyuter nigoh tizimi yordamida yerda yotgan mix qoqqich uskunani topadi va qo‘lga oladi. Muhandislarning sa’y-harakati bilan robot o‘ndan ortiq asboblarni taniydi, keyin devordagi yog‘ach karkasga mix yordamida qotiradi.
Shuni ham ta’kidlash joizki, namoyish chog‘ida robot haqiqatan ham tayyor yog‘och karkasga gipsokartonni mahkamladi. Bundan avval shveysariyalik muhandislar ham ikki robotdan iborat tizimni yaratishgan edi. Ular ham gipsokartonni yanada murakkab karkasga o‘rnatgandi. Ular o‘zlari mustaqil ravishda taxta va yog‘ochlarni qo‘liga oladi hamda musta’qil ravishda ortiqcha joylarini arralab, bir-birining ustiga qo‘yadi hamda mustahkamlanadigan mixlar o‘rnini drel bilan teshadi.
